ٹیکنالوجی

واٹس ایپ چینلز پر پولز کی آزمائش

دنیا کی سب سے بڑی انسٹنٹ میسیجنگ ایپلی کیشن واٹس ایپ کی جانب سے چینلز میں پولز دیے جانے کے آپشن کی آزمائش شروع کردی گئی۔

واٹس ایپ پر چینلز کے فیچر کو ستمبر 2023 میں دنیا کے 150 سے زائد ممالک میں پیش کیا گیا تھا اور اکتوبر 2023 تک اسے پاکستان میں بھی پیش کردیا گیا تھا۔

چینلز کو پیش کیے جانے کے بعد اس میں پولز سمیت ریپلائی کرنے کے فیچر کو بھی پیش کرنے کا اعلان کیا گیا تھا۔

اور اب خبر سامنے آئی ہے کہ پولز کے فیچر کی آزمائش شروع کردی گئی اور محدود صارفین کو اس تک رسائی دے دی گئی۔

واٹس ایپ کی اپڈیٹس پر نظر رکھنے والی ویب سائٹ کے مطابق محدود صارفین کو چینلز میں پولز کے آزمائشی پروگرام تک رسائی دی گئی ہے جب کہ اسے محدود ممالک میں پیش کیا گیا ہے۔

پولز کی کامیاب آزمائش کے بعد اسے چند ماہ میں باضابطہ طور پر متعارف کرائے جانے کا امکان ہے۔

فیچر کے تحت چینلز میں پولز پر فالوور اپنی رائے کا اظہار کر سکیں گے، تاہم رائے دینے والے فالورز کے فون نمبرز چینل کے ایڈمن کو نظر نہیں آئیں گے۔

چینل پر دیے جانے والے پولز میں کوئی بھی فالوور ایک ہی آپشن پر کلک کرنے کے اہل ہوں گے، تاہم صارفین کو اختیار ہوگا کہ وہ آپشن کو تبدیل بھی کریں۔

 

آزمائشی فیچر تک محدود صارفین کو رسائی دی گئی ہے—اسکرین شاٹ

آپ کا ردعمل کیا ہے؟

متعلقہ اشاعت

Qalam Kahani We would like to show you notifications for the latest news and updates.
Dismiss
Allow Notifications