خبریںشوبز

ماضی کے نامور چائلڈ اسٹار ذوہاب خان نے نکاح کرلیا

ماضی کے نامور چائلڈ آرٹسٹ نوجوان اداکار ذوہاب خان نے ساتھی اداکارہ وانیہ ندیم سے نکاح کرلیا۔

ذوہاب خان نے وانیہ ندیم کے ساتھ 6 مئی کو نکاح کیا جس کی تصاویر انسٹاگرام پر وائرل ہورہی ہیں۔

اداکار نے انسٹاگرام پر وانیہ ندیم کے ہمراہ تصویر شئیر کی اور کیپشن میں لکھا ’الحمداللہ، ہماری کہانی کا آغاز۔‘

سوشل میڈیا پر ایک اور ویڈیو وائرل ہورہی ہے جس میں ذوہاب خان اپنی نئی دلہن وانیہ ندیم کا گھونگھٹ اٹھا رہے ہیں۔

https://www.instagram.com/p/C6ntKV2Mlzi

یاد رہے کہ ذوہاب خان نے دسمبر 2023 میں وانیہ ندیم سے شادی کا اعلان کرتے ہوئے کہا تھا کہ وہ اگلے 3 ماہ یا پھر 3 سال کے اندر شادی کرنے کا ارادہ رکھتے ہیں۔

انہوں نے مزید کہا تھا کہ ’میں چاہتا ہوں کہ اگلے 3 سال بعد شادی کروں کیونکہ مجھے اپنے کچھ اہداف حاصل کرنے ہیں، اگر وہ اہداف میں نے اگلے 4 ماہ میں بھی حاصل کرلیے تو بھی شادی کرسکتا ہوں۔ ’

انہوں نے یہ بھی کہا کہ ’لڑکی تو شادی کرنے کے لیے بالکل تیار ہے، وہ تو کہہ رہی ہے کہ کل ہی شادی کرلو لیکن میں نے اسے مشورہ دیا کہ نہیں پہلے اپنا کیریئر بنا لیں پھر شادی کریں گے، آج کل وہ ڈرامے بھی کررہی ہیں‘۔

اداکار نے کہا تھا کہ ’والد کے انتقال کے بعد مجھ پر اور میرے بڑے بھائی پر جلد ہی گھر کی ذمہ داریاں آگئی تھیں اس لیے ابھی شادی نہیں کرسکتا۔‘

آپ کا ردعمل کیا ہے؟

متعلقہ اشاعت

Qalam Kahani We would like to show you notifications for the latest news and updates.
Dismiss
Allow Notifications