سنچورین میں بھارتی ٹیم ڈھیر، پہلے ٹیسٹ میں جنوبی افریقہ اننگز اور 32رنز سے کامیاب

سنچورین کے سپر اسپورٹس پارک میں کھیلے گئے سیریز کے پہلے ٹیسٹ میچ میں جنوبی افریقہ نے باؤلنگ کے لیے سازگار وکٹ پر پہلے باؤلنگ کا فیصلہ کیا جو بالکل درست ثابت ہوا۔

بھارت نے اننگز کا آغاز کیا تو آدھی ٹیم 107 رنز پر پویلین لوٹ چکی تھی لیکن اس کے بعد لوکیش راہُل جنوبی افریقی باؤلرز کی راہ میں حائل ہو گئے۔

 

مایہ ناز بلے باز نے ٹیل اینڈرز کے ہمراہ عمدہ کھیل پیش کیا اور سنچری اسکور کی جس کی بدولت بھارتی ٹیم 245 رنز بنانے میں کامیاب رہی۔

جنوبی افریقہ کی جانب سے کگیسو ربادا نے پانچ جبکہ پہلا میچ کھیلنے والے نیندرے برگر نے تین وکٹیں اپنے نام کیں۔

جنوبی افریقہ نے باری شروع کی تو ڈین ایلگر نے بہترین کھیل پیش کیا اور انجری کا شکار کپتان ٹیمبا باووما کی غیر موجودگی کا دباؤ نہ لیتے ہوئے بہترین سنچری اسکور کی۔

ڈین ایلگر نے 185 رنز کی اننگز تراشی جبکہ ان کے علاوہ ڈیوڈ بیدنگھم نے 56 اور مارکو جینسن نے 84 رنز کی اننگز کھیلیں جس کی بدولت جنوبی افریقہ نے پہلی اننگز میں 408 رنز بنائے اور 245 رنز کی برتری حاصل کی۔

بھارت کی جانب سے جسپریت بمراہ نے چار جبکہ محمد سراج نے دو وکٹیں اپنے نام کیں۔

بھارتی کی دوسری اننگز پہلی اننگز سے زیادہ ابتر رہی اور دو کھلاڑیوں کے سوا کوئی بھی ڈبل فیگرز میں بھی داخل نہ ہو سکا۔

https://twitter.com/First_follow_me/status/1740031821331517920?ref_src=twsrc%5Etfw%7Ctwcamp%5Etweetembed%7Ctwterm%5E1740031821331517920%7Ctwgr%5Ee73dc5c26f285682ab40763ec0b64df5d1c1d143%7Ctwcon%5Es1_&ref_url=https%3A%2F%2Fwww.dawnnews.tv%2Fnews%2F1219862

13 رنز پر دو وکٹیں گرنے کے بعد ویرات کوہلی اور شبمن گل نے وکٹیں گرنے کا سلسلہ کچھ دیر کے لیے روک دیا اور اسکور کو 2 تک پہنچایا۔

شبمن گل 26 رنز بنا کر آؤٹ ہوئے تو وکٹیں گرنے کا سلسلہ ایک بار پھر شروع ہو گیا اور دوسرے اینڈ سے کوہلی ساتھی کھلاڑیوں کی پویلین واپسی کا تماشا دیکھتے رہے۔

کوہلی نے 76 رنز کی اننگز کھیلی اور 131 رنز پر جب بھارتی ٹیم کی باری کا خاتمہ ہوا تو وہ آؤٹ ہونے والے آخری کھلاڑی تھے۔

https://twitter.com/First_follow_me/status/1740357987334778949?ref_src=twsrc%5Etfw%7Ctwcamp%5Etweetembed%7Ctwterm%5E1740357987334778949%7Ctwgr%5Ee73dc5c26f285682ab40763ec0b64df5d1c1d143%7Ctwcon%5Es1_&ref_url=https%3A%2F%2Fwww.dawnnews.tv%2Fnews%2F1219862

پہلا میچ کھیلنے والے برگر نے دوسری اننگز میں 4 وکٹوں سمیت 7 وکٹیں لیں جبکہ کگیسو ربادا نے دو اور جینسن نے تین وکٹیں حاصل کیں۔

ڈین ایلگر کو 185 رنز کی اننگز کھیلنے پر میچ کا بہترین کھلاڑی قرار دیا گیا۔

Exit mobile version