معروف بھارتی اداکارہ ریکھا کی جانب سے انکشاف کو بھارتی میڈیا کی جانب سے خوب توجہ دی جا رہی ہے، جس میں امیتابھ بچن اور جیا بچن کا بھی تذکرہ موجود ہے۔
اداکار رنجیت کی جانب سے حالیہ انٹرویو میں انکشاف کیا گیا تھا کہ پروین بابی کی جگہ جیا بچن کو کاسٹ کیا گیا، جس پر فلم سلسلہ کی اداکارہ دلبرداشتہ ہو گئی تھیں۔
اسی انٹرویو پر بھارتی میڈیا کی جانب سے ریکھا کے انٹرویو کے حوالے سے بھی تذکرہ کیا جس میں جیا بچن اور امیتابھ بچن سے متعلق انکشاف کیا گیا تھا۔
اداکارہ ریکھا بتاتی ہیں کہ مقدر کا سکندر فلم کے ٹرائل شو کے دوران جب پوری بچن فیملی پروجیکشن روم میں موجود تھی۔
تو اسی دوران جیا بچن فرنٹ کی لائن میں بیٹھی تھیں اور امیتابھ اور ان کے والدین پیچھے کی طرف بیٹھے تھے۔
وہ جیا کو صحیح طرح سے دیکھ نہیں پا رہے تھے تاہم میں جیا کو دیکھ پا رہی تھی۔ چونکہ اس فلم میں ریکھا اور امیتابھ بچن رومانوی سین بھی کرتے دکھائی دیے۔
یہی وجہ تھی کہ ریکھا نے انکشاف کیا کہ ٹرائل شو کے دوران جب رومانوی سین آئے تو جیا بچن کی آنکھوں میں آنسو آ گئے تھے، جوکہ ان کے چہرے پر جھلک رہے تھے۔